PROAULA

PROAULA

apud Ordericum Vitalem, l. 2. p. 412. dicitur aedificium seu cubiculum, quod ante aulam est, quae et Salutatorium dicitur, quod in eo excipiantur salutaturi. Aliud fuit Graecis, προαύλιον, de qua voce vide quae habet idem Glossarii Auctor, in Descript. Aedis Sophianae. At Προαύλιον Aristoteli, Rhetoric. l. 3. est quod barbaris praeludium, in tibiis. Sed et Προαύλια Graecis dicebatur primus trium legitimorum dierum, quos in nuptiis habebant, Latine Desponsalia; quod in eo desponderetur Virgo: sicut alter Α᾿παύλια, Latine Decubation, tertius Ε᾿παύλια, Latine Repotia dictus est. Scaliger, Poet. l. 3. c. 101. Vide et supra, ubi de Nuptiis.